NILIPATA MTOTO NIKIWA FORM FIVE - HEMED

Wiki hii nniliweza kufanya mahojiano kidogo na HEMED na nilitaka kujua machache kuhusiana na yeye si kifilamu ila maisha yake nyuma ya pazia.. Anafahamika kwa jina la HEMED SULEIMAN kijana aliezaliwa mwaka 1986 31st August na elimu yake ya Msingi alianzia pale OYESTERBAY primary School na kumalizia katika Shule ya Msingi BUNGE na baada ya hapo akajiunga na masomo ya sekondari pale ANNUUR ISLAMIC SECONDARY mkoani Tanga na baadae akaendelea na kidato cha tano na sita katika Shule za ECKENFORDE na COASTAL high school zote za huko Tanga ambako ndiko alikomalizia Elimu yake ya High School.
Majibu yake hayakuwa mabaya ila hakuweza kuendelea na chuo badala yake akajiunga kwenye TUSKER PROJECT FAME na mwaka uliofatia pia alishindwa kuingia chuo ila kwasasa ana mpango wa kujiunga na chuo kwa mwaka huu akienda kusomea MARKETING.

Kwa kujua mengi zaidi kuhusu yeye cheki na interview yake hapo chini

QN: NI KITU GANI AMBACHO UNAPENDA SANA KATIKA MAISHA YAKO?
ANS:Kiukweli kabisa napenda sana kula na kwa siku nakula mara NANE, mpaka ikifika saa sita usiku kila siku nakuwa nimeshamaliza kuku WAWILI NA NUSU ama WATATU na kitu kingine napenda sana kuwa na BABY(mpenzi) na sio kuwa na mpenzi wangu labda tutoke twende Club hapana ila napenda sana kuwa na mpenzi wangu tujifungie ndani faragha tupeane vitu.. Hivyo ndio vitu viwili ninavyovifeel zaidi.

QN: INASEMEKANA WEWE NI MTU WA WATOTO SANA KWA MAANA YA KUPENDA WASICHANA, HIYO NI KWELI?
ANS: hiyo ilikuwa zamani kiukweli kwasababu wanasema ujana maji yamoto kwasababu nakumbuka wakati naanza resi za kuwa star nilikuwa nataka kila mtu anijue kila mtu anione kwahiyo nilikuwa mtu fulani sijatulia lakini nimekuja kugundua kwamba ukiwa serious sana na kazi na uki-concetrate katika ku-build future yako upumbavu unatakiwa uache pembeni kwasababu ukiendekeza sana inaweza ikakuharibia mbele kwahiyo nina imani sasahivi nimekua na NIMEBADILIKA na niko na mchumba mmoja.

QN: KATIKA HIZO PITAPITA ZAKO HUKUFANIKIWA KUPATA MTOTO?
ANS: Niko na MTOTO MMOJA wa kiume ana miaka miwili na miezi saba anaitwa TRINIDAD huyu mtoto nilimpata nikiwa Form five nakumbuka kwenye kuingia form six wakati nasoma na nimezaa na msichana mmoja anaitwa ...... ah!! acha nimpotezee jina ntampa promo kwasababu alinimwaga ni msichana fulani hivi so.. yeah yupo nina mtoto mmoja nashkuru nimemkubali kwasababu amefanana na mimi.. Handsome boy!

QN: ANACHUKIA NINI?
ANS: Sipendi dharau na sipendi mtu ambae anasema uongo ndiomana huwa mimi najaribu sana kuwa mkweli kwa kila kitu ambacho nakifanya ama kitu ambacho niko nacho kwahiyo mtu akiwa muwazi kwangu nakuwa namuelewa zaidi.
pia sili chakula ukiweka vitunguu na ukitaka kuninyima msosi weka vitunguu mi sili na mama yangu anajua, kwahiyo hata nyumbani kwetu msosi ukipikwa unakuwa hauna vitunguu kwasababu sipendi, pia sili mboga ya majani yoyote unayoijua wewe na hata matunda pia nachagua nakula maembe, ndizi na mananasi mengine yote sili.

QN: UNAPENDA MSICHANA WA AINA GANI?
ANS: Kitu cha kwanza kabisa ninachokiangalia kwa msichana ni RANGI, ila kitu cha ajabu ni kwamba SIPENDI MSICHANA MWENYE RANGI YA AINA YANGU, napenda msichana MWEUSI.. aanzie kwenye U-brown fulani mpaka kwenye weusi ila asiwe mweusi sana na kingine awe MKALI, ila WADADA WENYE RANGI YANGU MTANISAMEHE.

QN: UNAJIVUNIA NINI MPAKA SASA KUTOKANA NA FILAMU?
ANS: mafanikio ni makubwa sana kwanza kujulikanam, nimetokea ni mtu fulani najulikana sana hasa mikoani, filamu zimenifanya mpaka huko vijijini ndanindani watu wanitambue hivyo imenifanya umaarufu umeongezeka na kunipa heshima kwa watu wazima hilo la kwanza
La pili ni MAENDELEO YANGU BINAFSI, sikufichi sasahivi NAPIGA PAMBA KALI, GHETTO KWANGU PAKO FRESH na hata kula sasahivi nakula fresh kama hivyo kuku wawili watatu kwasiku nakula wakati zamani ZEGE(chips mayai) nilikuwa nalifkiria yani.. hivyo nashkuru MUNGU niko fresh.

QN: Asante sana
ANS: Karibu.

Huyo ndio HEMED.. Natumaini utakuwa umejua machache kuhusiana na yeye kama alivyojielezea kwenye majibu yake ambayo sijapunguza wala kuongeza neno langu lolote..
UNATAKA NIKULETEE NANI MWINGINE na nini unataka kujua kutoka kwake???